DAG OG TID podkast

Brit Aksnes om film

Kva er filmtrendane no, og kven er det som bestemmer kva som blir vist på norske kinoar? Filmmeldar i Dag og Tid, Brit Aksnes, er gjest. 

Ein samtale om kunst med Eva Furseth

Finst det god og dårleg kunst, og korleis kan me bli flinkare til å sjå på kunst? Kunstmeldar i Dag og Tid, Eva Furseth, fortel om kva kunst betyr for ho og kva rolle kunst har i samfunnet. 

Vestens nei til oljeproduksjon

Mai vart den kanskje mest dramatiske månaden for vestlege oljeselskap sidan andre verdskrigen. Oljeselskapa får press frå politisk, juridisk, finansielt og statistisk hald. Men kva vil konsekvensane av mindre oljeproduksjon frå vestlege oljeselskap vere? Jon Hustad er gjest denne veka. 

Den usunne hundeavlen

Aldri før har så mange nordmenn ønskt å skaffe seg hund. Den store etterspurnaden har ført til ein usunn forretningskultur hos nokre oppdrettarar. Dyrevelferda er på eit nivå som vi ikkje kan akseptere. Det seier Arve Nilsen, veterinær, forskar og fast skribent i DAG OG TID, og Torill Moseng, veterinær og president i Den norske veterinærforening og visepresident i Den europeiske veterinærforening. Vi snakkar om usunn hundeavl.

Arkitektur på villspor

Dei siste 70 åra har den brutaliserande arkitekturen heimsøkt landet og landskapet vårt. Naturen forsvinn til fordel for invaderande, naturframande og miljøskadelege bygningformer. Ulf Andenæs, som er gjest denne veka, har i fleire tiår vore oppteken av arkitektur og byggeskikk. I denne episoden fortel han kva han meiner om arkitekturen i Noreg. 

Haugalandet

Håvard Rem er på reis igjen, denne gongen er det Haugalandet som står for tur. Men kva er bakgrunnen for namnet til denne delen av landet? Og kva har Haugalandet å by på?

Kunsten å irritera seg over skrivefeil

Kvifor irriterer me oss over skrivefeil? Har det noko med personlegdomen vår å gjere? Forfattar og filolog Kristin Fridtun pratar om den nye boka si, Kunsten å irritera seg over skrivefeil. Ho er òg fast skribent i Dag og Tid der ho skriv språkspalta "Ord om språk". 

Songen som stilna

Song har god effekt på språktrening, på relasjonsbygging og på læring av kultur. Likevel er songen nemd berre to gongar i læreplanen for norskfaget. Teolog og forfattar, Eskil Skjeldal, snakkar om song i skulen.

Lang covid: Den lange halen til pandemien

Langtidsverknadene av covid-19 er vanskelege å overskode. Mange ulike plager råkar også unge og spreke menneske, og «lang covid» er framleis eit mysterium. Det snakkar vi om med Nina Langeland, professor i infeksjonsmedisin fra Universitet i Bergen, og Per Anders Todal, journalist i DAG OG TID.

Atle Grønn om sjakk, Russland og Nepomnjasjtsjij

Jan Nepomnjasjtsjij er Carlsens neste VM-utfordrar. Korleis kjem kampen mellom dei to til å sjå ut? Og kva har sjakk og Lermontovs «Vår tids helt» med kvarandre å gjere? Sjakkekspert og professor i russisk, Alte Grønn, er gjest denne veka.